দুৰ্ঘটনামুক্ত পৰিৱেশ এটা সৃষ্টি কৰিবলৈ পথৰ কাৰ্য্য সম্পাদনৰ বাবে অতি সাৱধানী পৰিকল্পনা গ্ৰহণ কৰিবলগীয়া হয়। এনে স্থানত সৰহসংখ্যক দুৰ্ঘটনা সংঘটিত হোৱাৰ প্ৰধান কাৰণ হৈছে ক্ৰুটিপূৰ্ণ পৰিচালনা। নিৰ্মাণ খণ্ডৰ পৰিচালনাৰ নিৰ্দেশনাৱলী ব্যাপক ৰূপৰ। ইয়াত আমি কিছুসংখ্যক উদাহৰণলৈ লক্ষ্য কৰিম আৰু চাম কেনেকৈ ফলপ্ৰসূ পৰিচালনাই দুৰ্ঘটনা সংশয় ৰোধত অৰিহণা আগবঢ়াব পাৰে।:
- ইয়াক ফলপ্ৰসূ কৰিবলৈ হ’লে চিহ্নসমূহ পৰিষ্কাৰকৈ আৰু সুচাৰুৰূপে পৰিচালনা কৰিব লাগে।
- প্ৰেছ আৰু ৰেডিঅ’ত পৰিৱেশন কৰা অনুষ্ঠানসমূহ অতি উপযোগী আৰু সহজলভ্য মাধ্যম যাৰ জৰিয়তে নিৰ্মাণ ক্ষেত্ৰত আশা কৰা হোৱা জনসাধাৰণৰ সঁহাৰিৰ বিষয়ে উল্লেখ কৰি তাত ল’বলগীয়া সাৱধনতাৰ বিষয়ে উল্লেখ কৰা হয়।
- যান-বাহন নিয়ন্ত্ৰণ কৰা কৰ্মীসকল প্ৰশিক্ষিত হ’ব লাগিব।
- যান-বাহন নিয়ন্ত্ৰক কৰ্মীসকলে ক’ত থিয় হ’ব লাগিব, যান-বাহনৰ গতি কমাবলৈ বা ৰখাবলৈ কেনেকৈ সংকেত প্ৰদান কৰিব লাগিব, জনসাধাৰণ আৰু নিৰ্মাণ ক্ষেত্ৰত চলা যান-বাহনৰ মাজত সমন্বয় ৰক্ষা কৰা ইত্যাদি কথা জানিব লাগিব।
- যান-বাহন আৰু নিয়ন্ত্ৰকৰ মাজত দেখাদেখি যোগাযোগ সম্ভৱ নহ’লে নিয়ন্ত্ৰকে দ্বৈত বাটযুক্ত ৰেডিঅ’ যোগাযোগ সেৱা ব্যৱহাৰ কৰিব লাগে। স্থান উপযুক্ত হ’লে আৰু সেৱা সুবিধাসমূহ উপলব্ধ হ’লে যান-বাহন নিয়ন্ত্ৰণৰ বাবে যান-বাহনৰ অস্থায়ী সংকেট ব্যৱহাৰ কৰিব লাগে।
- যান-বাহন নিয়ন্ত্ৰক আৰু সাধাৰণ পথ কৰ্মীসকলে উপযুক্ত স্পষ্টলক্ষিত পোছাক পৰিধান কৰিব লাগে যাতে তেওঁলোক গাড়ীচালকৰ দৃষ্টিগোচৰ হয়।
- অদৰকাৰী যান-বাহন নিয়ন্ত্ৰণ চিহ্ন নতুবা পথ চিহ্ন আঁতৰাই পেলাব লাগে কাৰণ ই গাড়ীচালক সকলক বিভ্ৰান্ত কৰি অসাৱধান কৰি তোলাৰ সম্ভাৱনা থাকে।
- বাহনসমূহ শাৰীত ৰৈ থকা স্থানত এজন কৰ্মীক গাড়ীচালক সকলৰ সৈতে কথা পাতিবলৈ, পলম হোৱাৰ বাবে ক্ষমা প্ৰাৰ্থনা কৰিবলৈ অনুৰোধ জনাবলৈ, কিমান সময়ৰ প্ৰয়োজন হ’ব সেয়া জনাবলৈ আৰু মানুহক তথ্য সমৃদ্ধ কৰাবলৈ নিযুক্ত কৰিব লাগে।
- গতিসীমা নিৰাপদ ক্ষেত্ৰ কাৰ্য্য সম্পাদন আৰু যান-বাহনৰ গতিৰ সৈতে সুসংগত হ’ব লাগে।
- যথোচিত গতি সীমা তেতিয়াহে মানি চলা হ’ব যেতিয়া গাড়ীচালকে উপযুক্ত গতিসীমাৰ বিষয়ে বুজি উঠিব।
- সুস্পষ্ট, উজ্জ্বল ৰঙী আৰু ডাঙৰ ইলেকট্ৰ’নিক চিহ্ন ইত্যাদি সামৰি লোৱা যন্ত্ৰ আৰু প্ৰযুক্তিয়ে গাড়ীচালক সকলক তথ্য প্ৰদানৰ ক্ষেত্ৰত সহায়তা আগবঢ়াব।
- যিসমূহ ট্ৰাক দৈনন্দিন ৰূপত শ্ৰমিক পৰিবহণৰ বাবে ব্যৱহাৰ কৰা হয় সেইসমূহ বন্ধ কৰি দিব লাগে আৰু তাৰ ঠাইত অন্য বাহনৰ জৰিয়তে শ্ৰমিক পৰিবহণৰ ব্যৱস্থা কৰিব লাগে। যাত্ৰী কঢ়িওৱা ট্ৰাকৰ চালক সতৰ্ক, নিৰ্ভৰযোগ্য আৰু সাৱধান হ’ব লাগে।
- আটাইবোৰ ট্ৰাক আৰু বাহনৰ বাবে এটি শৃঙ্খলাবদ্ধ নিবাৰণ ব্যৱস্থাপনা কাৰ্য্যক্ৰম প্ৰতিষ্ঠা কৰাটো প্ৰয়োজনীয়।
- নিৰ্মাণ ক্ষেত্ৰ য’ত বিস্ফোৰণ ঘটোৱা হয় তেনে ঠাইলৈ আগবাঢ়িব পৰা সকলোবোৰ পথ বিস্ফোৰণ ঘটোৱাৰ সময়ছোৱাত বন্ধ কৰি দিব লাগে।
