পলম হোৱা অৱস্থা, নৈৰাশ্য আৰু দুৰ্ঘটনাৰ সম্ভাৱনীয়তা এৰাই চলাৰ বাবে সবাটোকৈ ভাল উপায় হৈছে যেতিয়াই সম্ভৱ তেতিয়াই নিৰ্মাণ ক্ষেত্ৰসমূহ এৰাই চলা। পথত নিৰ্মাণ ক্ষেত্ৰ উপলব্ধ নহ’লে গাড়ীচালক সকলে তেওঁলোকৰ সূচীত অধিক সময় লাভ কৰিব পাৰে আৰু পলম হোৱাৰ পৰা ৰক্ষা পৰিব পাৰে। নিৰ্মাণ ক্ষেত্ৰত সঠিক বিচাৰ আৰু সাৱধনতা অৱলম্বন কৰাটো প্ৰতিগৰাকী সাৱধানী গাড়ীচালকৰে দায়িত্ব আৰু কৰ্তব্য। নিৰ্মাণ কাৰ্য্যৰ সৈতে জড়িত শ্ৰমিক আৰু মটৰগাড়ী চালকৰ সুৰক্ষাৰ বিষয়টো বিবেচনা কৰা কাৰ্য্যই ঘাইপথ নিৰ্মাণ ক্ষেত্ৰসমূহ প্ৰতিগৰাকী ব্যক্তিলৈ নিৰাপদ স্থানলৈ ৰূপান্তৰিত কৰাত সহায় কৰিব।
নিৰ্মাণ ক্ষেত্ৰৰ পথেৰে আগবঢ়াৰ আগতে নিৰাপদভাৱে গাড়ীচালনা কৰিবলৈ আৰু ৰেডিঅ’, ইণ্টাৰনেট ৱেবচাইট ব্যৱহাৰেৰে যান-বাহন চলনৰ তথ্য লাভ কৰিব পৰাকৈ যথেষ্ট সময় লাভ কৰিবলৈ সূচী প্ৰস্তুত কৰি লোৱাৰ পৰামৰ্শ প্ৰদান কৰা হয়। লক্ষ্যস্থানত সময়ত উপস্থিত হ’বলৈ সোনকালে ওলাই যাব লাগে। নিৰাপদ বিশেষজ্ঞ সকলে নিৰ্মাণ ক্ষেত্ৰসমূহ প্ৰতিগৰাকী ব্যক্তিত বাবে সুৰক্ষিত স্থানৰূপে গঢ়ি তুলিবলৈ বহুটো সাৱধনতা উপায়ৰ নিৰ্দেশ জাৰি কৰিছে:
- নিৰ্মাণ ক্ষেত্ৰৰে আগবঢ়াৰ সময়ত অতি সাৱধান হ’ব লাগে আৰু গাড়ীৰ গতি কমাই দিব লাগে।
- নিৰ্মাণ ক্ষেত্ৰত প্ৰৱেশ কৰাৰ আগতে সাৱধান চিহ্নসমূহ লক্ষ্য কৰিব লাগে।
- নিৰ্মাণ ক্ষেত্ৰত কৰ্মৰত ব্যক্তিয়ে সেই ক্ষেত্ৰ পাৰ হোৱা বুলি সংকেত দিয়ালৈকে সাৱধান চিহ্নসমূহ লক্ষ্য কৰি যাব লাগে।
- বাহনখন অধিক স্পষ্টকৈ দেখা পাবলৈ বাহনখনৰ লাইট জ্বলাই দিব লাগে।
- নিৰ্মাণ ক্ষেত্ৰৰ মাজেৰে গৈ থাকিলে অনাকাংক্ষিত আশা কৰাটো এক সুৱৰ্ণ নীতি হিচাপে বিবেচিত।
- অসাৱধানী গাড়ীচালনা পৰিহাৰ কৰি চলিব লাগে।
- আগত গৈ থকা গাড়ী অনাকাংক্ষিতভাৱে হঠাতে ৰৈ যোৱা দিশটোৰ প্ৰতি সচেতন হ’ব লাগে।
- আগত চলি থকা গাড়ীখনৰ পৰা এটি নিৰাপদ দূৰত্ব বজাই ৰাখিব লাগে। গাড়ীৰ পাছফালে খুন্দা মৰাটো নিৰ্মাণ ক্ষেত্ৰত সংঘটিত হোৱা এটা অন্যতম দুৰ্ঘটনা।
- গাড়ীচালক সকলে নিৰ্মাণ ক্ষেত্ৰত উল্লেখ থকা গতিলৈ নিজৰ বাহনৰ গতি কমাই দিব লাগে আৰু নিৰ্দেশ অনুসৰি নিৰ্দিষ্ট লেনেৰে আগবাঢ়িব লাগে।
- যান-বাহন আৰু পথৰ অৱস্থাই অধিক মন্থৰ গতিত গাড়ী আগবঢ়াবলৈ বাধ্য কৰাব পাৰে।
- যান-বাহনৰ আগবঢ়াৰ দিশত আগবাঢ়ি থাকিব লাগে। গাড়ীচালকসকলে মসৃণ গতিত গাড়ী চালনাৰে এই নিয়মানুৱৰ্তিতা মানি চলিব পাৰে।
- ফ্লেগ প্ৰদৰ্শনকাৰী কৰ্মীসকলৰ নিৰ্দেশ মানি চলিব লাগে। কাম কৰি থকা ক্ষেত্ৰত যান-বাহন চলাচলৰ বাবে কি উত্তম সেয়া ফ্লেগ প্ৰদৰ্শনকাৰীসকলৰ জ্ঞাত। ৰেগুলেটৰী ছাইনৰ সমানেই ফ্লেগ প্ৰদৰ্শনকাৰী সকলৰ কৰ্তৃত্ব থাকে। সেইবাবে তেওঁৰ নিৰ্দেশ উলংঘন কৰিলে শাস্তিৰ সন্মুখীন হ’বলগীয়া হ’ব পাৰে।
- সঠিক লেনত মাৰ্জ কৰিবলৈ গাড়ীচালকসকলে শেষ মুহূৰ্তলৈকে অপেক্ষা কৰিব নালাগে।
- লেন পৰিৱৰ্তন কৰি থকা সময়ত শুদ্ধ মাৰ্জিং টেকনিক ব্যৱহাৰ কৰিব লাগে আৰু গাড়ীৰ ইণ্ডিকেটৰ ব্যৱহাৰ কৰিব লাগে।
- ঠেক লেন আৰু সীমাৱদ্ধ পথৰ কান্ধে লেন পৰিৱৰ্তন ক্ষেত্ৰত দুৰ্ঘটনা সংঘটিত হোৱাত প্ৰধানকৈ অৰিহণা আগবঢ়ায়।
- নিয়মিতভাৱে যান-বাহন চলাচল কৰা লেনসমূহৰ পৰা প্ৰায় যান-বাহনসমূহ চলাচলৰ বাবে অস্থায়ী লেনলৈ স্থলাভিষিক্ত কৰা হয় য’ত অস্থায়ী লেনৰ কান্ধে নিয়মিত লেনৰ সমান স্থায়ীত্ব প্ৰদান কৰিব নোৱাৰে।
- উগ্ৰ গাড়ীচালকৰ পৰা সচেতন হৈ থাকিব লাগে। কোনো গাড়ীচালকে আক্ৰমণাত্মকভাৱে নিজৰ স্থান লাভ কৰিবলৈ চেষ্টা কৰে তেতিয়াহ’লে তেওঁক আগবাঢ়িব দিব লাগে। অন্য গাড়ীচালকক প্ৰত্যাহ্বান আগবঢ়োৱা কাৰ্য্যই অন্য মটৰগাড়ী চালক আৰু সেই স্থানত কাম কৰি থকা শ্ৰমিকসকলৰ সুৰক্ষাৰ বিপৰ্যয় ঘটায়।
- মনোযোগ বিঘ্নিত কৰা কাৰ্য্যসমূহ এৰাই চলিব লাগে। নিৰ্মাণ ক্ষেত্ৰৰ মাজেৰে আগবঢ়াৰ সময়ছোৱাত অনাকাংক্ষিত বিপদৰ পৰা সচেতন হৈ থকাটো এটা কঠিন কাৰ্য্য। ম’বাইল ফোনত কথা পতা, ৰেডিঅ’ বজোৱা, খাদ্য গ্ৰহণ কৰা, কিতাপ পঢ়া আৰু অন্য মনোযোগ বিঘ্নিত কৰা অনুৰূপ কাৰ্য্যসমূহে দুৰ্ঘটনা সংঘটিত কৰাত অৰিহণা যোগাব পাৰে।
- নিৰ্মাণ সঁজুলি আৰু শ্ৰমিকসকলক লক্ষ্য কৰিব লাগে। সাৱধানবাণী অবিহনে কাম কৰা ক্ষেত্ৰত নিৰ্মাণ সঁজুলি প্ৰৱেশ কৰোৱা আৰু উলিয়াই অনা, যান-বাহনৰ ওচৰলৈ সঁজুলিসমূহৰ প্ৰসাৰণ ঘটোৱা আৰু নিৰ্মাণ কৰ্মী আৰু ফ্লেগ প্ৰদৰ্শনকাৰীয়ে বিপদজনকভাৱে চলন্ত যান-বাহনৰ নিচেই ওচৰত কৰ্তব্য পালন কৰি থকা আদি বিপদসমূহৰ অন্যতম।
- বাধা আৰু ভগ্নাংশ আদিৰ পৰা সচেতন হৈ থাকিব লাগে। নিৰ্মাণ সঁজুলি, চিহ্ন আৰু বেৰিয়াৰ সমূহ পথৰ দাঁতিৰ একেবাৰে ওচৰত থাকিব পাৰে। কৰ্ম সম্পাদনৰ ফলত সৃষ্টি হোৱা ধ্বংসাৱশেষ বিশেষকৈ ধূলি মাকতি, গ্ৰেভেল আদিয়ে এনে স্থানত অঘটন ঘটোৱাৰ সম্ভাৱনা থাকে।
- ধৈৰ্যশীল, সাৱধানী আৰু বিনয়ী হ’ব লাগে। আমি এয়া মনত ৰখা উচিত যে নিৰ্মাণ ক্ষেত্ৰৰ শ্ৰমিকসকলে ৰাস্তাৰ উন্নতি ঘটাবলৈ কামত ব্ৰতী হৈ আছে আৰু ইয়াৰ ফলত ভৱিষ্যৎ অধিক মসৃণ গাড়ীচালনাৰ দিশত আমাৰেই সুবিধা হ’ব।
