নিৰ্মাণ আৰু পথৰ কাম কৰি থকা শ্ৰমিকসকলে আহি থকা যান-বাহনৰ কাৰণেই যে অসুবিধাৰ সন্মুখীন হ’বলগীয়া হয় তেনে নহয় তেওঁলোকে ক্ৰুদ্ধ গাড়ীচালকৰ পৰা দুৰ্ব্যৱহাৰৰ সন্মুখীন হ’বলগীয়াও হয়। ৰাস্তাৰ কামৰ গুৰুত্ব বুজি উঠাটো আৰু পথত কৰ্মৰত শ্ৰমিকসকলৰ প্ৰতি সন্মান প্ৰদৰ্শন আৰু তেওঁলোকৰ সুৰক্ষাৰ দিশটো অনুধাৱন কৰাটো অতি গুৰুত্বপূৰ্ণ বিষয়। নিৰ্মাণ ক্ষেত্ৰত যান-বাহন দুৰ্ঘটনাগ্ৰস্ত হোৱাৰ উপৰিও ইয়াত শ্ৰম আগবঢ়োৱা শ্ৰমিকসকলে বিভিন্ন স্বাস্থ্যগত সমস্যা যেনে শ্ৰৱণ সমস্যা, উশাহ-নিশাহৰ সমস্যা আদিৰ সন্মুখীন হয়।
শ্ৰমিক আৰু মটৰগাড়ী আৰোহী উভয়কে উপযুক্ত সুৰক্ষা প্ৰদান কৰিবলৈ কেতবোৰ ব্যৱস্থা গ্ৰহণ কৰা হৈছে। এই ব্যৱস্থাসমূহৰ ভিতৰত আধুনিক পতাকা প্ৰদৰ্শন ব্যৱস্থা, পকাৰ প্ৰতিবন্ধক দিয়া ব্যৱস্থা, উজ্জ্বল কমলা ৰঙৰ শঙ্কু থিয়কৈ ৰখাৰ ব্যৱস্থা আৰু কাম চলি থকা ক্ষেত্ৰৰ পৰা যান-বাহন পৃথক ঠাইৰে চলাচল কৰিব পৰাকৈ পকীৰ প্ৰতিবন্ধক বেৰ দিয়াৰ ব্যৱস্থা, পোহৰত প্ৰতিফলন হোৱা কাম কৰি থকা ক্ষেত্ৰৰ চিহ্ন, পথৰ অৱস্থাৰ বিষয়ে মটৰ গাড়ী আৰোহীক সজাগ কৰি তুলিবলৈ ৰাম্বল ষ্ট্ৰীপ দিয়াৰ ব্যৱস্থা আৰু পুলিচ এনফৰ্চমেণ্ট সেই স্থানত নিয়োগ কৰি গাড়ীৰ চলাচলৰ গতি হ্ৰাস কৰাৰ ব্যৱস্থা গ্ৰহণ। তলত উল্লিখিত নিৰ্দেশনাৱলীৰ জৰিয়তে পথ শ্ৰমিকসকলৰ সুৰক্ষাৰ দিশটো উন্নত কৰিব পৰা যায়:
- ৰ’দে পোৰা, জলশুষ্কতা আৰু অতিপাত উত্তপৰ পৰা ৰক্ষা পাবলৈ ছানষ্ক্ৰিণ, টুপী আৰু দীঘল হাতৰ চোলা পৰিধান কৰা।
- উত্তপ্ত পৰিৱেশত শৰীৰত জলশুষ্কতাৰ সমস্যাৰ পৰা ৰেহাই পাবলৈ প্ৰতি ২০ মিনিটৰ মূৰে মূৰে এপিয়লা পানী পান কৰা।
- নতুন কৰ্মচাৰীসকলে সকলো প্ৰকাৰৰ যান-বাহনৰ পৰিৱেশত কাম কৰিবলৈ প্ৰস্তুত হোৱা বিষয়ত পৰিচালকসকল নিশ্চিত হ’ব লাগে। ফ্লেগ ব্যৱহাৰ কৰাত তেওঁলোকে সহজ অনুভৱ কৰিব লাগে। ফ্লেগ প্ৰদৰ্শন কৰা কৰ্মীসকলে তেওঁলোকে নিৰ্মাণ ক্ষেত্ৰত কাম কৰি থকাটো আৰু ইয়াৰ বাবে সাৱধান হোৱাটো গাড়ী চালকসকলক সংকেতেৰে বুজাব পৰাকৈ তেওঁলোকৰ পথৰ বিষয়ক জ্ঞান থাকিব লাগে আৰু আগবাঢ়ি আহি থকা যান-বাহনলৈ কেতিয়াও পিঠি দিব নালাগে।
- বৃহদাকাৰ সা-সৰঞ্জাম সমূহৰ মাজত কেনেকৈ সুৰক্ষিত হৈ থাকি কাম কৰিব লাগে এই বিষয়ে শ্ৰমিক সকলক শিকাব লাগে।
- সুৰক্ষা প্ৰদানকাৰী সৰঞ্জাম আৰু ব্যক্তিগত সুৰক্ষা প্ৰদানকাৰী আৱৰণ পৰিধান কৰিব লাগে। (যেনে কঠিন মূৰৰ আৱৰণী টুপী আৰু সম্নুখত ষ্টীল লগোৱা জোতা)।
- নিশাৰ ভাগত কাম কৰাৰ বাবে পোহৰত প্ৰতিফলন হোৱা উজ্জ্বল কাপোৰ পৰিধান কৰাটো অতি গুৰুত্বপূৰ্ণ।
- শ্ৰৱণ শক্তি হেৰুওৱা সমস্যাৰ প্ৰতিকাৰৰ বাবে কোলাহল স্তৰ সকলো সময়তে নিৰীক্ষণত ৰাখিব লাগে। উচ্চ ডেচিবল সম্পন্ন শব্দৰ পৰা কাণক সুৰক্ষা প্ৰদান কৰিবলৈ কৰ্মীসকলক কাণ ঢাকনী বা ইয়েৰপ্লাগ ব্যৱহাৰ কৰিবলৈ পৰামৰ্শ আগবঢ়োৱা হয়।
- এটি সুৰক্ষিত কাম কৰা ক্ষেত্ৰ কেনেকৈ সজাই তোলা হয় এই বিষয়ে প্ৰশিক্ষণ প্ৰদানৰ ব্যৱস্থা থাকিব লাগে। এনে অঞ্চলত মাথো ফ্লেগ প্ৰদৰ্শন কৰিলেই নহ’ব। ইয়াৰ বাবে গাড়ীৰ গতি কমাবলৈ আৰু কাম চলি থকা ক্ষেত্ৰৰ পৰা নিলগেৰে যাবলৈ গাড়ীসমূহক সঠিকভাৱে নিৰ্দেশ দিব লাগিব।
- শ্ৰমিকসকলক সজাগ আৰু সতৰ্ক হৈ থাকিবলৈ নিৰন্তৰ সোঁৱৰাই দিয়া হয়।
