বৰ্ধিত আন্তঃগাঁথনিক ব্যয় আৰু পথ নিৰ্মাণৰ পুঁজিয়ে অসমত ঘাইপথ নিৰ্মাণ আঁচনি বৃদ্ধি হোৱাত অৰিহণা আগবঢ়াইছে। পথ ব্যৱহাৰকাৰী আৰু কৰ্মীসকলৰ সুৰক্ষা সমগ্ৰ বিশ্বতে এটি গুৰুত্বপূৰ্ণ বিষয়। প্ৰতিবছৰে পথ নিৰ্মাণ আৰু পৰিচালনা ক্ষেত্ৰৰে পাৰ হোৱা যান-বাহন দুৰ্ঘটনাগ্ৰস্ত হৈ হেজাৰোধিক লোক মৃত্যুমুখত পৰে। নিৰ্মাণ ক্ষেত্ৰত হোৱা দুৰ্ঘটনা দিনে দিনে বৃদ্ধি পাবলৈ ধৰিছে।
এছএছপি, চিআইডি অসমৰ পৰা লাভ কৰা প্ৰতিবেদন অনুসৰি অসমত নিৰ্মাণ ক্ষেত্ৰত গাড়ী দুৰ্ঘটনাগ্ৰস্ত হৈ মৃত্যুমুখত পৰা লোকৰ সংখ্যা দিনে দিনে বৃদ্ধি পাবলৈ ধৰিছে। এই দুৰ্ঘটনাগ্ৰস্ত হোৱা সৰহ সংখ্যক লোকেই গাড়ীচালক বা বাসিন্দা আৰু কিছুসংখ্যক লোক পদচাৰী, মটৰ চাইকেল আৰোহী আৰু নিৰ্মাণ শ্ৰমিক।
এই খণ্ডত আমি নিৰ্মাণ ক্ষেত্ৰসমূহত হ’ব পৰা বিপদ আৰু পথ সুৰক্ষাৰ বিষয়ে আলোচনা কৰিম লগতে গাড়ীচালক আৰু পথ নিৰ্মাণ শ্ৰমিকসকলৰ সুৰক্ষা ব্যৱস্থা বৃদ্ধি কৰিবলৈ পৰামৰ্শ আগবঢ়াম।
পথ নিৰ্মাণ ক্ষেত্ৰসমূহ কৰ্মী, মটৰ গাড়ী চালক আৰু আৰোহী আৰু পদচাৰীসকলৰ বাবে অতি বিপদজনক স্থান। উচ্চ গতিসীমা, অসহিষ্ণু গাড়ীচালক আৰু বিস্তৃতৰূপত বিয়পি থকা যান-বাহনে এই সংশয় আৰু অধিক বৃদ্ধি কৰে। নিৰ্মাণকাৰ্য্যৰ অধীনত থকা ঘাইপথত ইয়াৰ প্ৰতিৰোধৰ বাবে গাড়ীচালনাৰ ক্ষেত্ৰত সাৱধনতা অৱলম্বনৰ পৰামৰ্শ প্ৰদান কৰা হয় আৰু লগতে মটৰ গাড়ী চালক আৰু পথ কৰ্মী উভয়ৰে বাবে সজাগতা সৃষ্টিৰ ব্যৱস্থা কৰা হয়।
নিৰ্মাণ ক্ষেত্ৰসমূহক ‘শঙ্কু ক্ষেত্ৰ’ বুলিও কোৱা হয়। ঘাইপথৰ এই অঞ্চল শঙ্কু, বেৰেল আৰু কাম চলি থকাৰ চিহ্ন আদিৰ ব্যৱহাৰেৰে সংকেত প্ৰদান কৰা হয়। তদুপৰি কিছুমান কাম চলি থকা অঞ্চলত গতি নিৰীক্ষণ যন্ত্ৰ থাকে যিয়ে গাড়ীচালকক নিৰ্মাণ কাৰ্য্য চলি থকা অঞ্চলত প্ৰৱেশ কৰাৰ আগতে চলি থকা গাড়ীৰ গতিৰ দিশত সচেতন কৰি তোলে। নিৰ্মাণ ক্ষেত্ৰসমূহত গাড়ীৰ গতি কমাই দিব লাগে আৰু তেনে স্থানত গাড়ীচালনাৰ ক্ষেত্ৰত অতিৰিক্ত সচেতনতা অৱলম্বন কৰিব লাগে। এনে স্থানেৰে বহু গাড়ীচালকে যথাসম্ভৱ কম সময়ৰ ভিতৰত পাৰ হৈ যাবলৈ চেষ্টা কৰে। গাড়ীচালকক সাৱধান কৰাৰ উদ্দেশ্যে নিৰ্মাণ কাৰ্য্য চলি থকা স্থানত পথৰ দাঁতিত আগতীয়াকৈ চিহ্ন আঁৰি দিয়াৰ ব্যৱস্থা কৰা হয়। সক্ৰিয় নিৰ্মাণ কাৰ্য্য চলি থকা ক্ষেত্ৰসমূহত প্ৰৱেশ আৰু প্ৰস্থানৰ স্থানত গাড়ীচালকসকললৈ জাননী প্ৰদানৰ উদ্দেশ্যে এই ব্যৱস্থা গ্ৰহণ কৰা হয়।
নিৰ্মাণ কাৰ্য্যৰ ক্ষেত্ৰসমূহত দুৰ্ঘটনাগ্ৰস্ত হৈ আঘাতপ্ৰাপ্ত হোৱা আৰু মৃত্যুমুখত পৰা প্ৰধান কাৰণসমূহ হ’ল:
ৰাষ্ট্ৰীয় সজাগতা অভিযান পথ সাৱধনতাৰ বাৰ্তা বহন কৰাৰ এক উপায়। ইয়াত কমলা ৰঙৰ পোছাক পৰিহিত লোকসকল শ্ৰমিক, কমলা ৰঙৰ শঙ্কুৰ অৰ্থ গতি হ্ৰাস আদি কথাসমূহ বুজাই দিয়া হয়। বিশেষজ্ঞসকলে মত পোষণ কৰে যে ইয়াৰ বাবে ৰঙ সম্বলিত চিহ্ন অতিকৈ গুৰুত্বপূৰ্ণ। গাড়ীচাকলসকলকো দেশৰ নিৰ্মাণ কাৰ্য্য চলি থকা বাটেৰে আগবঢ়াৰ ক্ষেত্ৰত পালন কৰিবলগীয়া নিয়মসমূহ পালন কৰিবলৈ উৎসাহ প্ৰদান কৰিব লাগে।
অন্য এক উপায় হৈছে যান-বাহনৰ নিয়ম প্ৰৱৰ্তন। আমেৰিকা যুক্তৰাষ্ট্ৰৰ বহু ৰাজ্যত কাম চলি থকা ক্ষেত্ৰৰে দ্ৰুতগতিত গাড়ীচালনাৰ শাস্তি হিচাপে অৰ্থদণ্ড বহুগুণলৈ বৃদ্ধি কৰিছে। গাড়ী গতি কম কৰিবলৈ আৰু সাম্ভাৱ্য বিপদ এৰাই চলিবলৈ গাড়ীচালকসকলক উৎসাহ প্ৰদান কৰাৰ অৰ্থে কঠিন পদক্ষেপ গ্ৰহণ কৰা হৈছে।