ৰাজ্যৰ ৰাষ্ট্ৰীয় ঘাইপথসমূহ বিভিন্ন সংস্থাৰ অধীনত আছে। MoRT&H ৰ অনুমোদনক্ৰমে এই সংস্থাসমূহে ৰাষ্ট্ৰীয় ঘাইপথৰ পথ সুৰক্ষা পদক্ষেপসমূহ কাৰ্য্যকৰী কৰে। MoRT&H য়ে পথ সুৰক্ষা পদক্ষেপৰ বাবে ১০% বছৰেকীয়া পৰিকল্পনা পুঁজি ৰখাৰ সিদ্ধান্ত গ্ৰহণ কৰে। অসমৰ ৰাষ্ট্ৰীয় ঘাইপথসমূহ ভিন্ন সংস্থাৰ এলেকাৰ অধীনত পৰে আৰু MoRT&H ৰ অনুমোদনক্ৰমে এই সংস্থাসমূহে ৰাষ্ট্ৰীয় ঘাইপথৰ পথ সুৰক্ষা পদক্ষেপসমূহ কাৰ্য্যকৰী কৰে।
- ৰাষ্ট্ৰীয় ঘাইপথত দুৰ্ঘটনা সংঘটিত হ’ব পৰা স্থানসমূহ চিনাক্তকৰণ কৰিবলৈ MoRT&H য়ে প্ৰট’কল ঘোষণা কৰিছে আৰু ইয়াৰ মেৰামতিৰ বাবে নিৰ্দেশনা জাৰি কৰিছে।
- গড়কাপ্তানি গৃহ আৰু ৰাষ্ট্ৰীয় ঘাইপথৰ অধীনত ৰাষ্ট্ৰীয় ঘাইপথত দুৰ্ঘটনা সংঘটিত হ’ব পৰা মুঠ ৭৩ টা দুৰ্ঘটনাপ্ৰৱন অঞ্চল চিনাক্ত কৰা হৈছে। এই দুৰ্ঘটনাপ্ৰৱন অঞ্চলসমূহৰ বাবে হ্ৰস্বকালীন ৰূপত গ্ৰহণ কৰা হোৱা প্ৰতিকাৰসমূহ হৈছে:
• চেণ্টাৰ লাইন আৰু দাঁতিৰ শাৰী অংকন।
• পথৰ দাঁতিৰ গছসমূহত বগা ৰং সনা।
• গতিৰোধক।
• ৰাম্বল ষ্ট্ৰীপ।
• পথচাৰী পাৰ হোৱা চিহ্ন।
• পথৰ ছাইনবোৰ্ড।
• সাৱধান অৰ্থ প্ৰকাশ কৰা বক্ৰ চিহ্ন ছাইনবোৰ্ড। - বৰ্ষ ২০১৩-১৪, ২০১৪-১৫ আৰু ২০১৫-১৬ ত আৰক্ষীৰ প্ৰতিবেদনৰ ওপৰত ভিত্তি কৰি ৩৭ টা স্থান উচ্চ দুৰ্ঘটনাপ্ৰৱন স্থান হিচাপে চিহ্নিত কৰা হৈছে। মন্ত্ৰালয়ৰ চিঠি সংখ্যা RW/NH-29011/2/2015-P&M (RSCE) ৰ নিৰ্দেশনা অনুসৰি তলত উল্লিখিত পদক্ষেপসমূহ গ্ৰহণ কৰা হয়-
• দুৰ্ঘটনাপ্ৰৱন স্থানৰ পথৰ দুই মূৰে সাৱধান অৰ্থসূচক ফলক।
• পথৰ দুয়ো মূৰে ছোলাৰ ৰেড ব্লিংকিঙৰ ব্যৱস্থা।
• ৰাম্বল ষ্ট্ৰীপ ছাইনৰ ব্যৱস্থা।
• ‘ৰেষ্ট্ৰিকশ্যন এণ্ড’ ছাইন।
• ওপৰত উল্লিখিত কাৰ্য্যসমূহৰ বাবে ব্যয়ৰ হিচাপ প্ৰস্তুত কৰি উলিওৱা হৈছে। প্ৰতিটোৰ বাবে ব্যয়ৰ হিচাপ হৈছে ৩১০০০০.০০/-টকা। অনুমোদিত কাৰ্য্যসমূহৰ বাবে প্ৰস্তাৱিত ধনৰ পৰা ইয়াৰ বাবে ব্যয় কৰা হ’ব। ইয়াৰ বাবে ‘আৰঅ’ গুৱাহাটীয়ে সেউজ সংকেত প্ৰদান কৰিছে। - চৰকাৰী জাননী সংখ্যা CNH.10/2014/72, dated: 6/4/2015 অনুসৰি অনুমতি প্ৰদান কৰা হোৱা গতিসীমা নিৰ্ধাৰণ কৰা হয়।
- মুঠ ৪৫২২ টা পথ ছাইন আছে। ইয়াৰ আটাইবোৰ ছাইনব’ৰ্ড নিৰ্দেশ প্ৰদান কৰা অনুসৰি সঠিকভাৱে আৰু নিৰাপদ ৰূপত আছে। পথৰ শাৰীৰ মাজত কোনো হোৰ্ডিং নথকাটোও নিশ্চিত কৰা হৈছে।
- মন্ত্ৰালয়ৰ অনুমোদন ক্ৰমে সুৰক্ষা অ’ডিটৰ অৰ্থে অসমৰ ৰাষ্ট্ৰীয় ঘাইপথৰ ৬ টা প্ৰসাৰণ কাৰ্য্য গ্ৰহণ কৰা হৈছে। ইয়াৰ নিবিদা প্ৰক্ৰিয়া আৰম্ভ হৈছে। ২৭/৬/২০১৭ ৰ পৰা ইণ্টাৰনেটৰ জৰিয়তে অ’ডিটৰ বাবে প্ৰকাশ কৰা নিবিদা উপলব্ধ হয়।
• উত্তৰ শালমৰা (Ch. 947.00) ৰ পৰা বক্সিৰহাট (Ch. 816.00) লৈ ৩১ নং ৰাষ্ট্ৰীয় ঘাইপথৰ ওপৰত পথ সুৰক্ষা অ’ডিটৰ বাবে অভয়াপুৰী নিৰ্মাণ খণ্ডৰ অধীনত কনচালটেন্সি সেৱা।
• ৩৭ নং ৰাষ্ট্ৰীয় ঘাইপথৰ পছৰীয়া (Ch. 2.000) ৰ জালুকবাৰী (Ch. 146.00) লৈ গুৱাহাটী ৰাষ্ট্ৰীয় ঘাইপথ খণ্ডৰ অধীনত পথ সুৰক্ষা অ’ডিটৰ বাবে কনচালটেন্সি সেৱা।
• ৩৭ নং ৰাষ্ট্ৰীয় ঘাইপথৰ জখলাবন্ধা (Ch. 325.000) ৰ পৰা নুমলীগড় (Ch. 405.00) লৈ নগাওঁ আৰু যোৰহাট ৰাষ্ট্ৰীয় ঘাইপথ খণ্ডৰ অধীনত পথ সুৰক্ষা অ’ডিটৰ বাবে কনচালটেন্সি সেৱা।
• ১০০ কিলোমিটাৰ জুৰি মিছন চাৰিআলি (Ch.135.00) লৈ ৰঙিয়া ৰাষ্ট্ৰীয় ঘাইপথ খণ্ডৰ অধীনত ৰাষ্ট্ৰীয় ঘাইপথ-১৫ ৰ ওপৰত পথ সুৰক্ষা অ’ডিটৰ বাবে কনচালটেন্সি সেৱা।
• ৰাষ্ট্ৰীয় ঘাইপথ-১৫ ৰ মিছন চাৰিআলি (Ch. 135.00) ৰ পৰা বালিপাৰা হৈ ধলাইবিল (Ch. 171.00) লৈ নগাওঁ ৰাষ্ট্ৰীয় ঘাইপথ খণ্ডৰ অধীনত পথ সুৰক্ষা অ’ডিটৰ বাবে কনচালটেন্সি সেৱা।
• ৰাষ্ট্ৰীয় ঘাইপথ-১৫ ৰ নাওবৈচা (Ch. 331.000) ৰ পৰা চাউলধোৱা (Ch. 375.000) লৈ নগাওঁ ৰাষ্ট্ৰীয় ঘাইপথ খণ্ডৰ অধীনত পথ সুৰক্ষা অ’ডিটৰ বাবে কনচালটেন্সি সেৱা। - ৰাষ্ট্ৰীয় ঘাইপথ ১৫ (৫২) ৰ চাৰিটা পথ সুৰক্ষা প্ৰকল্প ৰূপায়ন: CE (RSEC), MORT&H ৰ সৈতে ২৮/০৩/২০১৭ ইং তাৰিখে নতুন দিল্লীত হোৱা আলোচনা মৰ্মে ৰাষ্ট্ৰীয় ঘাইপথ-১৫ (৫২) ৰ চাৰিটা পথ সুৰক্ষা প্ৰকল্প সম্পাদনৰ বাবে গ্ৰহণ। ৰাষ্ট্ৰীয় ঘাইপথ-১৫ ৰ এই কাৰ্য্যত প্ৰাধান্য দি পথ সুৰক্ষা এ পি (২০১৭-১৮) ৰ প্ৰথম তালিকাত ইয়াক অন্তৰ্ভুক্ত কৰা হয় আৰু সেইমতে ইয়াৰ অনুমোদনৰ বাবে মন্ত্ৰালয়ত দাখিল কৰা হয়। অনুমোদন বৰ্তমানে অপেক্ষাৰত অৱস্থাত আছে।
- পথ সুৰক্ষা কাৰ্য্যসম্পাদনৰ বাবে প্ৰস্তাৱ: পথ সুৰক্ষা অ’ডিটৰ উদ্দেশ্যে তিনিটা প্ৰসাৰণৰ কাম নিৰ্বাচন কৰা হয় আৰু ইয়াক অনুমোদনৰ বাবে মন্ত্ৰালয়ত দাখিল কৰা হয়।
- বাছ চলাচলৰ পথ আৰু ট্ৰাক ৰখোৱা ঠাইৰ বাবে ৰাষ্ট্ৰীয় ঘাইপথৰ ভিন্ন স্থান নিৰ্ণয় কৰা হৈছে। অধিক বাছ বে আৰু ট্ৰাক লে’আউট স্থানৰ চিনাক্তকৰণৰ প্ৰক্ৰিয়াৰ কাম চলি আছে আৰু প্ৰয়োজন অনুসৰি ব্যৱস্থা গ্ৰহণ কৰাৰ প্ৰক্ৰিয়া আগবাঢ়ি আছে। অতিৰিক্ত বাছ বে আৰু ট্ৰাক লে’আউটৰ বাবে MoRT&H ৰ ওচৰত দাখিল কৰা হৈছে।
- পাঁচটা পথৰ দাঁতিৰ সুবিধাৰ স্থান চিনাক্ত কৰা হৈছে। পথ পৰিবহণ আৰু ঘাইপথ মন্ত্ৰালয়ত দাখিলকৰণৰ বাবে ইয়াৰ হিচাপ মূল্য প্ৰস্তুত কৰি থকা হৈছে।
- ৰাষ্ট্ৰীয় ঘাইপথ ১৫ ৰ মিছন চাৰিআলি, তেজপুৰ, ৰৌতা চাৰিআলিত জংছন পয়েণ্ট উন্নত কৰা ব্যৱস্থা গ্ৰহণ কৰা হয়। অসম গড়কাপ্তানিৰ ৰাষ্ট্ৰীয় ঘাইপথ শাখাৰ অধীনত ৰাষ্ট্ৰীয় ঘাইপথ ১৫ ত থকা চিৰাজুলি চ’কৰ উন্নয়ন কাৰ্য্য ইতিমধ্যে সংসাধন কৰা হৈছে।
- বাইপাছ (উপপথ) সমূহৰ নিৰ্মাণ কাৰ্য্য হাতত লোৱা হৈছে আৰু ঘন বসতিপূৰ্ণ স্থান এৰাই চলি নিৰ্মাণ কৰা হৈছে কিয়নো ঘন বসতিপূৰ্ণ চহৰ নগৰৰ মাজেৰে যোৱা পথসমূহ অতি দুৰ্ঘটনাপ্ৰৱন স্থান হিচাপে চিহ্নিত কৰা হৈছে। এই স্থানসমূহৰ উদাহৰণ যেনে – যোৰহাট বাইপাছ, শিৱসাগৰ বাইপাছ, ডিব্ৰুগড় বাইপাছ, চিনিচুকীয়া বাইপাছ, উত্তৰ লখিমপুৰ বাইপাছ, হাইলাকান্দি বাইপাছ, শিলচৰ বাইপাছ, পথাৰকান্দি বাইপাছ ইত্যাদি।
- ৰাষ্ট্ৰীয় ঘাইপথ ৩৭ ৰ ডিব্ৰুগড়ৰ পৰা ঢলালৈ পথছোৱা যান-বাহনৰ মসৃণ চলাচলৰ উদ্দেশ্যে আৰু দুৰ্ঘটনা ৰোধৰ উদ্দেশ্যে সম্পূৰ্ণকৈ নতুন ৰূপত সজাই তোলা হৈছে।
- MoRT&H য়ে পথ সুৰক্ষাৰ কাৰ্য্যৰ বাবে বছৰি ১০% পুঁজি নিৰ্ধাৰণ কৰে। একেধৰণে একে পৰিমাণ আঁচনি অনুসৰি বছৰি সংসাধনৰ ব্যৱস্থা কৰা হয়।
- পথ সুৰক্ষা পদক্ষেপসমূহৰ পৰ্যবেক্ষণৰ বাবে এগৰাকী বিশেষ বিষয়া নিযুক্ত কৰা হয়।
- গড়কাপ্তানি (গৃহ আৰু ৰাষ্ট্ৰীয় ঘাইপথ) ৰ অধীনত এটা পথ সুৰক্ষা (অভিযান্ত্ৰিক) শাখা গঠন কৰা হয়। এই শাখাৰ সদস্যসকলে তথ্য সংগ্ৰহ, তথ্য প্ৰস্তুত, হিচাপ পৰীক্ষণ/প্ৰস্তুতকৰণ, নিবিদা প্ৰস্তুত, ক্ষেত্ৰ পৰ্যবেক্ষণ, অন্যান্য বিভাগৰ সৈতে সহযোগ ইত্যাদি পথ সুৰক্ষা বিষয়ক কাৰ্য্যসমূহ পৰ্যবেক্ষণ কৰে।
- বিভাগীয় অভিযন্তাসকলক প্ৰশিক্ষণ গ্ৰহণৰ বাবে নয়দাস্থিত একাডেমি অভ হাইৱে ইঞ্জিনিয়াৰছ প্ৰতিষ্ঠানলৈ প্ৰশিক্ষণ গ্ৰহণৰ বাবে প্ৰেৰণ কৰা হয়। MoRTH ৰ গুৱাহাটীত অনতিপলমে এনে প্ৰশিক্ষণ কাৰ্য্যসূচীৰ আয়োজন কৰা হ’ব য’ত ৰাজ্যৰ সকলো মণ্ডলৰ অভিযন্তাসকলে অংশগ্ৰহণ কৰিব।
- ৰাষ্ট্ৰীয় ঘাইপথ ৩৭ ৰ কাজিৰঙা পথ সম্প্ৰসাৰণ কাৰ্য্যত ৪৬ টা ৰাম্বল ষ্ট্ৰীপ আৰু ৰোড ছাইনেজ দিয়া হৈছে। ১৭/০৫/২০১৭ ইংৰাজী তাৰিখে এই সম্পৰ্কত ‘এনজিটি’ ৰ নিৰ্দেশ জাৰি কৰা হয়। ‘এনজিটি’ ৰ নিৰ্দেশ অনুসৰি ইয়াৰ কাঞ্চনজুৰি কৰিডৰত এটা বেৰিয়াৰ স্থাপন কৰা হয়। এনেদৰে মন্ত্ৰালয়ে পদ সুৰক্ষা পদক্ষেপসমূহ গ্ৰহণ কৰিছে।
- ১৪/০৬/২০১৭ ইংৰাজী তাৰিখৰ ডিৰেক্টৰ জেনেৰেল (পথ উন্নয়ন) আৰু এছএছ ৰ আদেশ নং RW/NH-29021/6/2017(RSCE) অনুসৰি কাম আৰম্ভ হোৱাৰ আগতে পথ আৰু ইয়াত চলাচল কৰা যান-বাহনৰ অৱস্থা আৰু কাম সম্পূৰ্ণকৰণৰ পিছত পথ আৰু ইয়াত চলাচল কৰা যান-বাহনৰ অৱস্থাৰ বিষয়ে ভিডিঅ’ তথ্যচিত্ৰ প্ৰস্তুত কৰাৰ ব্যৱস্থা কৰাৰ বাবে নিৰ্দেশ প্ৰদান কৰা হয়। এই কাৰ্য্য ইতিমধ্যে গ্ৰহণ কৰা হৈছে।
